Naumachia

Salvete plurimum! Nomen mihi est Magister Craft. Hodie de naumachia Augustea discetis. Quid significat naumachia? Naumachia est verbum Graecum. Latine proelium navale dici potest. Romani saepe naumachiam dicebant. Sed quid est? In naumachia spectatores naves pugnantes spectabant. Itaque, naumachia magna esse debuit. Sed ubi Romani naumachiam locare poterant? Augustus naumachiam suam trans Tiberim locavit. Ecce, naumachia Augusti! Mirabile visu!

Illic spectatores proelium navale spectabant. Naumachia Augusti etiam aquaeductum suum habebat! Eamus!

Nomen aquaeductui Aqua Alsietina est et aquam ex Ianiculo ad naumachiam portabat.

O spectatores fortunati! Hodie spectaculum est. Eamus! Possumus intrare hic. Hic, spectatores, imperator Augustus cum amicis spectabat.

Spectate! Proelium navale! Babae! Naves contra naves! Nautae contra nautas! Nautae non erant Romani sed captivi. Mirabile visu! Nunc Imperator Augustus de naumachia narrabit.

“Navalis proeli spectaclum populo dedi trans Tiberim...in quo triginta rostratae naves triremes aut biremes, plures autem minores inter se conflixerunt...pugnaverunt...millia hominum tria circiter.” --RG. Aug. XXIII

Ecce, naumachia Augusti!

Valete!