Quid heri feci?

Salvete plurimum! Nomen mihi est Magister Craft. Hoc est Solarium Augusti. Sumus in Campo Martio. Solarium Augusti tantum meridiem ostendit. Sed dies duodecim horas habet. Nox quoque duodecim horas habet. Hodie Solarium Augusti me adiuvabit. Hodie vobis narrabo quid heri fecerim. Ante lucem de lecto surrexi . Me lavi et ientaculum edi. Panem et ficos edi. Tum ad scholam ii. Discipulos meos docui ab hora prima usque ad sextam horam. Sexta hora meridies est. Meridie pausam fecimus. Ad prandium ii. Ad thermopolium prandium edi. Panem, olivas, nuces, et caseum edi. Post prandium, hora septima, non ad scholam redii. Domum ad dormiendum redii. Hora octava in thermas Agrippae ii. Cucurri et me lavi. Hora nona domum ad cenandum redii. In domo cum familia cenavi. Prima mensa edimus panem, olivas, nuces, holera, et piscem. Tum secunda mensa poma et mel edimus. Hora decima ego et liberi lusimus. Ab hora undecima usque ad horam duodecimam libros legere volebam. Sed paulo post horam undecimam dormivi. Et vos, quid heri fecistis? Valete!